Daily Newspaper

January-ah India-in vaccine pek hman beiseiawm


India chuan January thlaah Covid-19 vaccine a pekchhuah hman a beiseiawm thu Union Health minister Harsh Vardhan chuan sawiin sorkar chuan vaccine him leh tha a dah pawimawh ber thu a sawi a.

“January thlaah vaccine kan pekchhuah hman ka ring a. India mipuite hnenah Covid vaccine kan pek theih hun a thleng tep e,” tiin Harsh Vardhan chuan a sawi a.

Minister chuan vaccine te chu pek a nih theih nan drug regulator te hnenah phalna an dil mek thu a sawi bawk a.

“Covid-19 vaccine leh research lamah India a hnufum miah lo va. Kan ngaih pawimawh ber chu vaccine him leh tha a ni. Kan regulator ten uluk takin an thlithlai mek a ni,” tiin a sawi.

Harsh Vardhan chuan India scientists leh health expert te chuan vaccine siam tuma hma an lak chak thu sawiin thlaruk thlasarih hnuah chuan India chuan mipui 30 crore te daih tur vaccine a neih hman tur thu a sawi bawk a.

India ramah vaccine siam mek beiseiawm tak tak paruk a awm a, chung zingah chuan Covishield, Covaxin, ZyCoV-D, Sputnik V, NVX-CoV2373 te pawh a tel a ni. Heng bakah hian pre-clincial stage thleng vaccine pathum buaipui mek a nih thu Union Health Secretary Rajesh Bhushan chuan a sawi bawk.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy