Site icon The Aizawl Post

Japan-in kum tling china ngaih tihpun tum

Japanese Justice Ministry chuan chhia leh tha hre tawh leh puitlinga ngaih tawh kum 13 tih chu 16 ah tihsan ni se tiin rawtna a siam.
Hei hi Japan-a sex crime kaihhnawiha dan awm te siam that tumna niin a chhan ber pawh kum 2019 a pawngsuala puh thahnem tak te chhuah zalen an nih vang a ni.
Hei bakah hian kumtlinglote khawih leh enkawl leh pawngsual sawifiahna chu tih zauh nise an ti bawk a.
Tun dinhmunah Japan hi age of consent ram changkang zinga a hniamna ber niin G7 ram bikah pawh a hniam berna a ni a.
Germany-ah chuan kum 14 a ni a, Greece leh France-ah kum 15 niin UK leh US State tam berah chuan kum 16 a ni.
Tuna Japan ram danah chuan pawngsual nia insawi chuan pawngsual a nihnaah tharum leh vauna a tawn ngei ngaiin chu chu finfiahna a neih a ngai a, hei vang hian pawngsualtu hrem a harsa hle bawk.
Panel chuan a wording te an thlak chuang lo va, mahse, factor hrang hrang zu rui chung emaw damdawi hmannna emaw pscyhological control tih te pawh an telh tawh thung.
Justice Ministry official Yusuke Asanuma chuan pawngsual case-ah pawngsualtu nia puhte thiam lo hrim hrim tur siam tumna ni lovin awmze nei zawk leh tha zawk leh chiang zawka thil kalpui tumna a ni a ti thung.
Kum 2019 khan Japan-ah pawngsuala puh mi tam tak te finfiahna awm thei lo tia chhuah zalen an ni a, hei vang hian sawiselna a nasa hle a. Mi pakhat chu a fanu tleirawl nena mipat hmeichhiatna hmanga puh niin court-in a fanu remtihna tel lo chunga ti chungin chhuah zalenin a awm leh zui a, hei vang hian mipui an phun nasa a ni.

Exit mobile version