Daily Newspaper

Japanese actress Yuko Takeuchi a thi

13

Japanese actress Yuko Takeuchi, kum 40, chu Tokyo-a a apartment-ah Pathianni kalta khan thi a hmuh a ni. Japan Times-in a tarlan danin Yuko hi a pasal, actor Nakabayashi Taiki-a’n a hmu hmasa ber a, damdawi in an panpui nghal a, mahse, a thi tih an lo puang ta a ni.

Yuko thihna chu Tokyo Metropolitan Police Department-in an chhui nghal a, hetihlai hian thenkhat chuan mahni intihlum ni a an rin thute an sawi ve thung.

Yuko hian a pasal hmasa Nakamura Shido nen fapa pakhat an nei tawh a, tuna a pasal nen hian kumtir lam khan fapa an nei leh bawk a ni.

Yuko Takeuchi hi 1996 khan Cyborg film-ah changin, chu chu lemchan khawvelah a intah luh tanna a ni a, TV project hrang hrang bakah Japanese film leh Hollywood film-ah te pawh a inlan leh nual a, Romance and Pride, Miss Sherlock, Queen, Innocent Days bakah Japanese film Midnight Eagle, Cape Nostalgia, The Magnificient Nine, Ringu leh The Ring-ah te pawh a chang. A channa thar ber chu The Confidence Man JP: Princess tih a ni a, July 2020 khan an tlangzarh a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy