Congress te chuan November 14 khan a pianchamah India Prime Minister hmasa ber Jawaharlal Nehru chu zahna hlanin ‘prime architect of modern India’ tiin an sawi.
Congress president Mallikarjun Kharge, party chief hlui Sonia Gandhi, AICC treasurer Ajay Maken te chu party leaders Nehru’s memorial Shanti Van, New Delhi a tlawhtu zingah an tel a.
“Pandit Jawaharlal Nehru kha prime architect of modern India a ni a. A ngaihdan chuan Democratic structure chauh cultural, political leh socio-economic trends hrang hrang te zalen taka an awm theih chauhin India chu dingchang thei a ni tih a hria a ni” tiin Kharge chuana sawi a.
“Shanti Van ah amah kan zahzia lantir nan kan pungkhawm a. India constitution leh kan dahsan Democratic institution leh principles te hi kan humhim tlat tur a ni,” tiin a sawi bawk.
“Pandit Jawaharlal Nehru kha zero atanga sang takah India hruaia modern India siamtu a ni a. Democracy humhim burtu a ni,” a ti bawk a.
“A progressive idea te avangin India chuan social, political leh economic development a hmu a. harsatna tam tak karah thleibikna awm hauh lovin ram dah pawimawh hmasa berin ram chhung mipuite chu chengho turin a fuih tlat a ni,” tiin a sawi bawk.
Nehru piancham 134-naah hian AICC general secretary Jairam Ramesh pawhin amah fakna sawiin ‘gentle colossus’ awmze nei taka 20th century India siamtu tiin a sawi bawk a.
“A sulhnu a nung reng dawn a, self-styled Vishwaguru leh a drum-beater ten a hmel tihhem leh tihmualpho leh sawi nawmnah an tum chungin mipuiteah a hnathawh a nung reng ang,” tiin Ramesh chuan a sawi a ni.
Jawaharlal Nehru zahna hlan
