Jay-Z-a’n a fa ni a inchhalin a nawr buai niin a puhlet
Rymir Satterthwaite, kum 32m chuan rapper Jay-Z fapa a nih thu a puang mauh maia, mahse, tunah chuan Jay-Z a ngawi thei tawh bik lo, a fapa ni a inchhal lakah hian lawsuit thehlut vein, a kum 10 tel teh meuh Rymir hian a lo zar buai tawh niin a tarlang ve thung.
Jay-Z, a hming tak Shawn Corey Carter chuan Rymir leh a godmother leh a enkawltu ni bawk Lillie Coley te lakah lawsuit hi siamin, Rymir hian a fapa ni a inchhalin, kum tam tak an nawr buai tawh niin a tarlang a, “Court-ah vawi tam min puhna hi hnawl a ni tawh chung pawhin min zarbuai zui zel a ni,” a ti.
Hetihlai hian Rymir chuan Jay-Z hi a pa ngei (biological father) a nih thuah a tang ral raih dawn niin a sawi ve thung a, Jay-Z leh Wanda Sattherthwaite te fa niin a insawi a, a nuin a hrin hian a nu chu kum 16 mi chauh niin a sawi bawk. Wanda hi a thi tawh a, Rymir chuan Jay-Z hi a pa tak a nih leh nih loh fiahna tura paternity test neih an phut pawh Jay-Z hian a tiduh tlat lo niin a sawi ve bawk.
Jay-Z-a’n a fa ni a inchhalin a nawr buai niin a puhlet
