Jelly Roll WWE SummerSlam 2025 in-ring debut
Country superstar Jelly Roll chu tun weekend kalta khan a vawi khat nan WWE ring chhungah a zuang lut ve ta a, WWE SummerSlam 2025-ah Randy Orton nen tang dunin, Logan Paul leh Drew McIntyre an hmachhawn a, a chak lo zawkah an tang nain, WWE match hmuhnawm tak an entir tho e.
An inbeih hmain Jelly hian a tag partner Orton hi introduce-in, a entrance theme song, “Voices” a perform bawk a, MetLife Stadium chhunga mipui an chawk phur thiam khawp mai.
Jelly Roll hi a naupan lai atanga wrestling fan a ni a, WWE ring-a a zuang lut tur pawh hi a inbuatsaih nasa hle a, a rihna pawh pound 230 (kg 104 vel) zetin a tihniam hman a, training pawh a nei tha viau a ni.
Ring chhungah hian Logan Paul nena an inbeih laiin shoulder tackle bakah chokeslam leh bodyslam te pawh a ti va zak zak a, mahse, Paul hian Jelly chu announcer dawhkan bawh tlu rum rum khawpin a sawisa ve tho a, a tawpah frog splash ngei maiin a Logan Paul te hi a chak zawkah an tang ta a ni.
Jelly Roll WWE SummerSlam 2025 in-ring debut
