Jharkhand CM leh Congress hruaitu lawkte inkawm
Jharkhand chief minister Hemant Soren chuan a nupui Kalpana Soren nen nilaini khan Congress hruaitu lawk Kharge leh Rahul Gandhi an hmuh thu sawiin, an state inthlan hmachhawn tur chungchang an sawiho thu a sawi.
An inhmuh hun hi Haryana leh J&K election result puan hnu lawk a ni a, Jharkhand in assembly election an hmachhawn ve thuai dawn avangin result puan taka an tihfuh tawk loh leh hmasawn dan tur khunkhan taka an sawiho thu a sawi bawk.
Jharkhand Mukti Morcha (JMM) leader ni bawk Soren chuan, “Vawiin hian New Delhi-ah Congress president Kharge leh Congress leader Gandhi te nen kan state inthlan tur chungchang khunkhan takin kan sawiho thei,” tiin a sawi a ni.
Congress leh JMM hi Jharkhand-ah hian an thawkho dawn a, BJP ram zauh zel tur dang turin nghet taka an din thu leh seat siamrem chungchangah pawh engmah harsatna an neih dun loh thu sawiin, Congress general secretary KC Venugopal pawh an inhmuh tum hian a tel ve thu Soren chuan a sawi bawk.
Member 81 awmna Jharkhand Legislative Assembly hi kumin kum tawp lam hian neih a ni dawn a, a ni tur hi ECI lamin an la puang lo thung a ni.
Jharkhand CM leh Congress hruaitu lawkte inkawm
