Jisoo album thar ‘ME’
BLACKPINK member Jisoo chuan a solo debut, hla pahnih project ‘ME’ chu a tichhuak ve ta hlawl mai. Jisoo hian kar hnih liamta atang khan a hla thar tur hi a a vuak hot-na a lo tichhuak tan tawh a, March ni 15 leh March ni 21 khan film tawi a tihchhuah bakah ME tracklist leh poster te leh a song credit te pawh March ni 27-ah a tichhuak a, March ni 28-ah a lead single ‘Flower’ music video teaser tichhuakin, tunah chuan a full project a tichhuak ta a ni.
‘ME’ hla hmasa zawk chu ‘Flower’ niin, a hla pahnihna chu ‘All Eyes on Me’ tih a ni ve thung. ‘Me’ a tlangzarh rual hian ‘Flower’ official music video pawh BLACKPINK YouTube channel-ah a tichhuak nghal bawk.
Jisoo-i’n a solo project a tlangzarh takah chuan BLACKPINK member pali ten solo project an tichhuak kim ta a ni. He girl group zinga solo project nei hmasa ber chu Jennie niin, 2018 khan ‘Solo’ single a tichhuak a (Billboard World Digital Song Sales chart-ah No.1 a kai), chumi hnuah Rose leh Lisa ten 2021-ah an solo project an tichhuak ve leh a (Rose hla ‘On the Ground’ chu Billboard Global 200 leh Global Excl. US chart-ah No.1 a kai a, Lisa hla ‘Lalisa’ chu World Digital Song Sales chart-ah No.1 kaiin ‘Money’ chu Rap Digital Song Sales-ah No.1 a kai bawk).
Jisoo album thar ‘ME’
![](https://theaizawlpost.org/wp-content/uploads/2023/03/jisoo.jpg)