Britain innghahna lian Johanna Konta chu US Open kal lai atangin Romanian world number 77 Sorana Cirstea chuan 2-6 7-6 (7-5) 6-4-in a hnawtchhuak a, Flushing Meadows-ah round thumna a lut zo lo.
Ninth seed Konta hian set khatna chu awlsam takin a la mai a, a hnu lamah talbuaiin, kumin grand slam tournament-ah a tluang lo chhun-zawm. Kumin January thla khan Australian Open first round-ah a lo tlawm tawh bawk a ni.
Kum 29 mi hian a hneh loh Cirstea kha amah aiin a khel tah zawk tih a sawi a, theihtawp chhuah ve bawk mah se a chak zo ngang lo tiin a chak loh a pawm thlap thu a sawi.
Flushing Meadows-a 2019 quarter-finalist Konta hian tunhma lama tumhnih Cirstea a lo hmachhawn tawhah hnehna chang ve vein, pakhat zawk 2017 Fed Cup rubber-a an intum tum phei chuan boruak a sang hle a, umpire bakah Konta leh Great Britain captain Anne Keotha-vong laka a tawngkam mawi loh avangin Cirstea thlavang hauhtu Romania captain Ilie Nastase chu hnawhchhuah a ni.
Kum 30 mi Romanian star Cirstea hian Czech 20th seed Karolina Mu-chova a tum leh ang.
(THE AIZAWL POST – Infiamna)
Full>> ePaper Subscribe
