Johnny Depp Hollywood-ah comeback

Kum 2022-a a nupui hlui ni ta, Amber Heard nena defamation trial an neih hnua a vawi khatna’n Johnny Depp pawh Hollywood-ah a comeback dawn.
John Depp comeback movie tur hi Day Drinker tih a ni. He movie-ah hian Penelope Cruz nen an chang dun leh dawn a ni a. Anni pahnih hi movie-a an chan dun tum li-na tur a ni nghe nghe.
Day Drinker movie hi Marc Webb-a direct a ni dawn a ni. He movie-ah hian cruise ship bartender leh zu heh tak pakhat, sorkar dan phal loh thila inkithnawk a, beisei loh leh tum lawkna em em awm lova a hnu inhmel duh chho ta te chanchin pho lan a ni dawn a ni.
Day Drinker movie hi Depp, 61, tan pawh kum 2018-a Warner Bros film, Fantastic Beast: The Crimes of Grindelwald-a a inlan hnua American distributor Lionsgate nena an thawhho lehna hmasa ber a ni dawn bawk.
Oscar nominee pawh lo ni tawh, Depp leh a nupui hlui Heard, 38, te hi kum 2022 khan court-ah an inkhing a, an thubuai rem lai pawh live-a TV-a pek chhuah a nih nghe nghe kha.
The Aquaman actress hian defamation pathumah pakhatah chiah a chak a, hei vang hian Depp hnenah dollar maktaduai 1 chu a chawi phah a, an thubuai hi December 2022 khan tihtawp a ni.