Site icon The Aizawl Post

Jon Peters-a’n a nupui hlui, ni 12 chauh a neih Pamela tan a thurochhiahah dollar mtd 10 a dah

Producer Jon Peters, kum 77, chuan a thurochhiahah a nupui hlui Pamela Anderson tan dollar maktaduai 10 a dah tih a puang a, Pamela nen hian ni 2 chauh innei mah se, “Pamela hi chu ka hmangaih reng ang a, ka thinlungah hmun a chang reng ang. Ka thurochhiahah pawh dollar maktaduai 10 a hmingin ka dah. Chu chu amah pawhin a hre lo, tuman an hre lo. Tunah hian a vawi khat nan ka sawi chhuak a nih hi. Sawi lo zawk tur pawh ka ni. Hei chu ama tan liau liau a ni a, a mamawh emaw mamawh lo emaw a pualin ka dah a ni,” a ti.
Jon Peters leh Pamela Anderson te hi 1989 atanga inhmelhriat tawh niin, 2020 khan inneiin, ni 12 chiah an innei hman a, Pamela hian an inneihna a titawp a, social media lamah Jon nena an inneihna chu dan mitah tu tling a ni lo tiin, rilru engmah intihnat sak tawn awm lovin an inthen niin a sawi a, thian tha tak an nih chhunzawm zel tur thu a sawi bawk.
Jon Peters hi producer hriathlawh tak niin, Batman, Man of Steel, The Color Purple leh Clue bakah Lady Gaga music video hit zet mai ‘A Star Is Born’ te pawh a produce a ni.
Pamela sawi takah chuan, Jon nena an inneih hmain Rick Salomon, Kid Rock leh Tommy Lee te chu a pasal hlui te an ni hman tawh a ni. Tommy Lee nena an video tuihnai vak lo putru bechhanin ‘Pam & Tammy’ tih Lily James channa an siam a, he project hi Pamela hian a ei vak lo. Mahse, tunah chuan ama chanchin, a inpuanna ‘Love, Pamela’ tih lehkhabu siamin, hemi behchhan hian Netflix documenttary, Pamela, a love story’ tih an siam bawk.

Exit mobile version