Jones vs Gane
Keini huna March 5, Pathianni zing khan T-Mobile Arena, Las Vegas-ah UFC 285 neih a ni dawn a. Palian champion nih tumin fighter lar Jon Jones leh Ciryl Gane ten kawnghren an inchuh dawn a. Hmeichhe lamah Valentina Shevchenko chuan Alexa Grasso hmachhawnin, a kawnghren hum a tum dawn bawk.
UFC-ah palian huanga champion Francis Ngannou chuan a kawnghren kalsanin UFC a chhuahsan a, Cameroon fighter hian boxing a khelh zui rin a ni. Boxing-ah palian champion Tyson Fury nen cho tuah an ni a, Fury nen hian an inhnek thei dawn em tih a la chiang lo thung. Palian champion ni bawk mah se UFC-ah hian duhsak a hlawh tawk zo lovah ngaiin a lungawina khawp tawktarh pek a ni lova, UFC a chhuahsan daih.
Francis Ngannou kawnghren kalsan hi palian huanga No.1 ni mek Ciryl Gane leh Light-heavyweight-ah vawi hnih lo champion tawh Jon Jones ten an inchuh dawn. UFC fighter tha ber ang hiala mi tam takin an ngaih Jones hian vawi 26 zet fight hmachhawn tawhin vawi khat tlawm zawkah a tang tawh. Pathianni zinga a khingpui Gane a hneh a nih chuan UFC fighter tha ber a nihna chiang zawkin a nemnghet tura ngaih a ni.
Jones hmachhawn a,m fiahna hautak hmachhawn tur Ciryl Gane hian UFC-ah fight vawi 11 a hmachhawn tawh a, tlawm zawkah vawi khat tangin a hneh loh hi champion lai Francis Ngannou a ni.
Jones vs Gane
