Daniel Dubois laka mualpho a, knockout a tlawm Anthony Joshua chuan boxing a la chawlhsan mai dawn lo va, Tyson Fury emaw Dubois emaw zawk zawk a hmachhawn hmasa leh zet dawn.
Palian huanga champion hlui Anthony Joshua hian September thla khan Wembley Stadium-ah Daniel Dubois a hmachhawn a. Boxing a inhnek entu tam ber record thar siamnaah a tlawm a, kawnghren a hlawhchhuak zo lo. Dubois lakah a tlawm vangin Joshua hian boxing a chawlhsan rinna lian tak a awm nghal. Palian huanga boxer tha Oleksandr Usyk lakah vawi hnih a tlawm zawn a, Dubois lakah a tlawm leh bawk vangin a hmabak a thim viau tawha ngaih a ni.
Joshua hi hmabak thim taka a awm laiin a promoter Eddie Hearn chuan inhnek a hmachhawn leh ngei tur thu a sawi a. Joshua khingpui tur chu Tyson Fury emaw, Daniel Dubois emaw zawk zawk a nih thu Hearn hian a sawi.
Mi tam takin Joshua nen an inhnek an hmuh chak em em Tyson Fury chuan December ni 21 khian Usyk a hmachhawn dawn. Fury hian Usyk laka a kawnghren hloh tawh a la let leh thei a nih chuan Joshua nen hian boruak lian zawk neiin, kawnghren an inchuh thei tura ngaih a ni. Fury hian Usyk a hneh lo nawn leh a nih pawhin Joshua nen hian 2025 chhungin an hnek tho a rinawm viau bawk. Hetihlai hian IBF world champion thar Dubois hmachhawn tur erawh a la chiang rih lo thung.
Joshua a la chawl dawn lo
