Daily Newspaper

Juice WRLD a la lar ber

26

Juice WRLD chu a thih hnuah kar hnih chhung US-a zaithiam lar ber a ni ta. Juice WRLD hi Billboard Artist 100 chart-ah a No.1 leh a, a zawnin kar hnih a No.1-na a ni ta a, he chart-a a No.1 chhung belhkhawm chu kar li a tling tawh bawk a ni.

Billboard Artist 100 chart hi kar khat chhunga US-a album leh hla hralh tam dan te, streaming leh radio-a an zaitir nasat dan leh social media fan interaction chu te chart ranking siam nana tehna pawimawh a ni a, kar khat chhunga US-a zaithiam lar ber tihna a ni mai.

Juice WRLD hi a thih hnua a album an tlangzarh ‘Legends Never Die’ chu Billboard 200 (albums) chart-ah a kar hnih nan a la No.1 am Hot 100 chart lamah a la chetha tel zel tho bawk a, chu chuan Artist 100 chart-ah pawh a la No.1 tir leh thei ta a ni.

Dixie Chicks ni thin, The Chicks ti a an group hming thlak ta chu No.2-ah an rawn thar ve leh a, an album Gaslighter chu Billboard 200 chart-ah No.3-ah a debut a, he album hi tun kum 14 chhunga an studio album tlangzarh leh hmasak ber niin, Artist 100 chart-ah pawh No.2-ah a vawrh kai ta a ni.

Billboard Artist 100 Top 10:
1 Juice WRLD
2 The Chicks
3 Pop Smoke
4 Harry Styles
5 Lil Baby
6 Post Malone
7 DaBaby
8 Luke Combs
9 The Weeknd
10 BTS

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy