Daily Newspaper

Juice WRLD Billboard Artist 100-ah a No.1

10

Juice WRLD chu Billboard Artist 100 chart-ah No.11 atangin No.1-ah a invarwh thar leh a, tihian he chart-a a No.1 hun chhung belhkhawm chu kar thum a tling ta. Juice WRLD hi a thih hnuah he chart-ah hian kar hnih a No.1 tawh a ni.

Billboard Artist 100 chart hi kar khat chhunga US-a zaithiam lar dan tehna a ni a, chart ranking siam nan hian kar khat chhunga an album leh hla mal hralhna bakah streaming, radio-a an zaitir nasat dan leh social media fan interaction te chu tehna pawimawh a ni.

Juice WRLD hi a thih hnua a album an tlangzarh ‘Legend Never Die’ chu Billboard 200 (albums) chart No.1-ah a debut a, he album-a a hla 17 te chu Billboard Hot 100 (singles) chart-ah an lang vek a, a hla panga chu Hot 100 top 10-ah an lang nghe nghe a, chu chuan Artist 100 chart-ah pawh a vawrh sang leh ta a ni.

He chart-ah hian March 2019 khan a album ‘Death Race for Love’ a tlangzarh hnuah Juice WRLD hi a vawi khat nan a No.1 a, December ni 8, 2019-ah kahhlum a ni a, chumi hnuah a album pahnih an tichhuak leh tawh a, No.1 kai ve vein, Artist 100 chart-ah pawh tum hnih a No.1 leh ta a ni.

Artist 100 chart hi July 2014 atanga an siam tan a ni a, chumi hnuah Jucie WRLD hi thih hnua he chart-a No.1 thei parukna a ni a, thih hnua he chart-a No.1 thei dang te chu- David Bowie (January 2016), Prince (May 2016), Tom Petty (October 2017), XXXTentacion (June 2018) leh Pop Smoke (kar liamta) bakah Linkin Park chu an frontman Chester Bennington thih hnuah August 2017 khan an No.1 tawh bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy