Daily Newspaper

July ni 14-ah HSSLC result

27

Mizoram Board of School Education chuan July ni 14 hian Higher Secondary School Leaving Certificate (HSSLC) result tihchhuah a tum tih thu dawn a ni.

HSSLC (pawl 12) exam hi inkharkhipin a tihbuai avangin tun hnaiah exam hi zawh fel a ni chauh a, inkharkhip hma khan a tam zawkin lo zo hman mah se subject panga chu exam hman a ni lo. Inkharkhip vanga a sukuk hnuah July ni 1-3 chhung khan subject pangaah hian MBSE chuan exam a buatsaih leh a ni.

Thu dawn danin, inkharkhip hmaa exam lo zawh fel tawhna subject-te kha inkharkhip chhungin a endiktute’n an lo en char char a, July ni 1-3 chhunga exam-na subject-te pawh en chhunzawm nghal niin, tabulation te pawh a theih ang anga lo tih sa a nih avangin result hi a chhuak hma thei dawn a ni.

Paper endiktute leh result siamtute hian holiday-ah pawh hna an thawk a, July ni 14 chhun dar 12-a result tihchhuah hman ngei an beisei tih thu dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy