Ruah sur thla a ni bawk a, tunlai chu ruah a tla tha ngei mai – ni 13 chhung chu ni tin ruah hi a sur. Tun thlaah ni hnih chauh ruah a sur lo.
State Meteorological Centre chhinchhiahnaa a lan danin, June ni 8 atanga ni 20 thleng khan ruah hi ni tin a sur a, a sur loh ni a awm lo.
Amaherawhchu, ni tam zawkah chuan ruah hi a tam lo a, teh tham ngawr ngawr a nih chang pawh a awm. A tam ber ni chu June ni 15 kha a ni a, ruah tui mm 72.6 a tla. Ni 11-ah mm 33 a tla a, heng ni hnih hi tun hnai ni 13 chhunga ruah tui tam ni a ni. June ni 15-a ruah tui tla hi a tam tham khawp mai a, ni 11-a mi pawh hi a tam fu mai.
June ni 8 hma pawh hian ruah hi a sur deuh reng tho mai; June ni 1 atanga ni 4 thleng khan ni tin a sur a, ni 5-ah a sur lo. Ni 6-ah a sur leh a, ni 7-ah a sur lo. Ni 20 thleng khan tun thlaah ni hnih (ni 5 leh ni 7) chauh ruah a sur lo a, mahse ni tam zawkah chuan tam tham a sur lo.
June thlaah hetia ruah a sur hi thil mak a ni lo a, Mizoramah June thla hi ruah sur thla, a tam thla a ni. Tun thlaah ruah hi la sur zel tura beisei pawh a ni.
State Meteorological Centre-in India Meteorological Department atanga khawchin thlirlawkna an dawnah tun thlaah ruah hi la sur zel tura beisei a ni a, tun hnai ni sarih chhung hian Mizoram hmun hrang hrangah a sur ang tih a ni. Cyclone chu a hnai rih lovah ngaih a ni.
May thlaah khan ruah a tam a, tuna a lan dan chuan June-ah pawh tam tura ngaih a ni. Nikum khan remal cyclone ruah ken kha a tam a, mahse nikum May aiin kumin May-ah ruah a tam. June-ah pawh a sur tluang rih.
June-ah ni hnih chauh ruah sur lo
