Jung Kook leh Latto ‘Seven’ a lar ber

Jung Kook leh Latto ‘Seven’ a lar ber
Jung Kook ‘Seven’ featuring Latto chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a kar li a No.1-na a ni ta. Kar thum liamta khan he hla hmang hian Jung Kook hi BTS member zinga soloist anga he chart-a No.1 ni thei hmasa ber a rawn ni a, a zawnin kar li chhung a No.1 zui ta a ni.
Billboard Global 200 chart hi kar khat chhunga US-a hla lar dan tehna niin, chart ranking siam nan hian official-only streams (subscription leh ad-supported audio leh video music services) leh download sales te chu tehna pawimawh a ni.
Jung Kook ‘Seven’ featuring Latto hian ram hrang hrang 200 chuangah stream maktaduai 111.7 leh download sales 4,000 a la nei thei a, hei hi chart-ah a No.1 pui leh ta a ni. Kuminah chuan an tlangzarh atanga kar li chin he chart-a No.1 thei hla pahnihna a ni, hla dang, he chart-a kumina kar li chin No.1 thei awm chhun chu Miley Cyrus ‘Flowers’ kha niin, kar ruk a No.1 a ni.
Barbie soundtrack ‘Barbie: The Album’ atanga hla pathum chu chart top 10-ah an lang leh a, kar thum chhung chu he album atanga hla pathum chu chart top 10-ah a lanna a ni ta. He album a hla Billie Eilish ‘What Was I Made For?’ chu No.4 atangin No.2-ah a insawn a, Dua Lipa ‘Dance the Night’ chu No.6 atangin No.3-ah a insawn a, Nicki Minaj, Ice Spice leh Aqua ‘Barbie World’ chu No.7 atangin No.6-ah a insawn ve leh ta bawk.
Myke Towers ‘Lala’ chu No.5 atangin No.4-ah a insawn a, Taylor Swift ‘Cruel Summer’ chu No.11 atangin No.5-ah a insawn thar ve leh ta bawk.
Billboard Global 200 Top 10:
1 Seven – Jung Kook Featuring Latto
2 What Was I Made For? – Billie Eilish
3 Dance The Night – Dua Lipa
4 LaLa – Myke Towers
5 Cruel Summer – Taylor Swift
6 Barbie World – Nicki Minaj & Ice Spice With Aqua
7 Super Shy – NewJeans
8 Fukumean – Gunna
9 Vampire – Olivia Rodrigo
10 Meltdown – Travis Scott Featuring Drake