Jung Kook hla thar ‘Standing Net to You’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart top 10-ah hian a hla dang pahnih- ‘3D’ leh ‘Seven’ a lang bawk. Hetihrual hian The Beatles hla thar ‘Now and Then’ pawh chart top 10-ah a lang e.
Billboard Global 200 chart hi kar khat chhunga khawvel huapa hla lar dan tehna niin, chart rangking siam nan hian ram hrang hrang 200 chuanga official-only streams (subscription leh ad-supported video music leh audio services) leh download sales te chu tehna pawimawh a ni.
Jung Kook hian Billboard Global 200 chart-a No.1 ni thei hla pathum a nei tling ta a, tuna top 10-a la lang a hla dang Jack Harlow nena an thawh dunna ‘3D’ leh ‘Seven’ featuring Latto te pawh hi chart No.1 an lo kai ve ve tawh a, BTS member zingah he chart-a solo artist anga No.1 kai thei hla pakhat aia tam nei awm chhun a la ni a, midang zaipui nei miah lo a he chart-a No.1 a vawi khat kaina a la ni bawk.
Standing Next to You hian stream maktaduai 81.6 leh download sales 1,21,000 a tling thei a, hei hi chart-ah a No.1 pui ta a ni. He hla hi November ni 3-a a tlangzarh kha niin, November ni 9 thlengin khawvel huapa stream leh hralhna hian No.1-ah a vawrh kai ta a ni.
Jung Kook hla dang ‘Seven’ featuring Latto chu No.10 aTangin No.2 a kai thar leh a, Tate McRae ‘Greedy’ pawh No.7 aTangin No.3 a kai thar leh a, Taylor Swift ‘Is It Over Now? (Taylor’s Version) [From the vault]’ chu No.1 aTangin No.4-ah a tawlh a, Doja Cat ‘Paint the Town Red’ pawh No.8 aTangin No.5 a kai thar ve leh ta bawk.
The Beatles hla hnuhnung ber ni tawh tur ‘Now and Then’ chu No.152 aTangin No.10-ah a invawrh a, stream maktaduai 37.6 leh sales 42,000 a tling thei a, he hla hi a music video pawh November ni 3 khan an tichhuak tawh bawk. ‘Now and Then’ hi The Beatles hla he chart a lang thei hmasa ber a ni.
Jung Kook ‘Standing Next to You’ a lar ber
