Daily Newspaper

Justin leh Hailey Bieber ten an inneih kum khat champha an lawm

7

Mr. and Mrs, Bieber an nihna pawh kum khat a tling ta reng mai, Montage Palmetto Bluff, Bluffton, South Carolina-ah mo pawh an lawm ve map map a nih kha. Justin Bieber leh a nupui Hailey Bieber te chuan September ni 30 khan an inneih kum khat tlin champha pualin Instagram-ah an inneih thlalak te an post a, “Kum khat liamta khan inneihna duhawm ber kan nei a nih kha. Kha ni kha tawn nawn fo theih ka va chak em,” tiin Hailey chuan thlalak chi hrang hrang nen a post tel a ni.

Justin Bieber pawhin Hailey a nei thei chu vannei a intih thu post-in, “Hailey Bieber. I pasal ka ni hi ka vannei tak zet a ni!” a ti a, “Nitin thil tam tak min zirtir a mi tha zawkah min siam a ni! Pathianin a kohna anga i awm theih nana tihchak i nih zel theih nan kan dam chhung zawng i tan ka inpe! I duhthusam te i puitlin theihna tur hi ka thinlung duhzawng chu a ni e! Nangmah dah hmasa zel tur chein ka intiam a, dawhtheihna leh ngilneihna a hmahruai zelin! Happy anniversary ka naute duhawmtê,” a ti ve bawk.

Justin leh Hailey te hi an inneih tak tak chu 2018 kha a ni tawh a, Manhattan courthouse-ah dan angin an innei a, mahse, hei hi chu inneih serh leh sang engmah awm lo niin, mo lawmna pawh a awm lo a, tichuan nikum khan South Carolina-ah an innei tha leh a, an thiantha leh chhungkhat laina hnai mi 154 vel chauh sawmin an inkutsuih ta a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy