Juve leh Kean inruai nghet
Everton tan game 39 khela goal li a thunsak hnuah forward Moise Kean chuan loan-a a khelh mekna Juventus-ah contract puitling a ziak.
A club hluia Italy striker Kean kirleh hi Turin khaw team chuan euro maktaduai 28 (£25m)-in inremna nghet an ziahpui a; season hnuhnung pa-hnih chhung ngawt Ju-ventus tana loan-a a khelh chhan kha Serie A club-in player thar an lei theih loh vang a ni.
Transfer chung-changa dan an bawh-chhiat chhui a nih hnuah Juventus hi kumin Ja-nuary thla khan point 15 paiksak an ni a, tun dinhmun Serie A table-ah khelh 26-a point 38 hum chungin pasarihna an luah mek.
Kum 23 mi Kean-a man hi August 2021 daih tawh khan sawifel niin, a hlawh tur zatah bonus pound maktaduai 2.5 chhiar tel a ni.
Italy tana game 12 khel tling ve tawh Kean hi kum 2019 khan To-ffees chuan sum hma-hruai pound maktaduai 25-in an lalut a, mahse, inelna hrang hrangah a chunga tarlan tawh ang khian goal nga pawh a thunsak tling lo a; loan-in season khat Paris St-Germain lamah an chhuahtir a, France lei-lungah chethain, match 41-ah goal 17 a thunsak tling a, French Cup a lakpui nghe nghe.
Juventus tana match 74 a khelh tawhah goal 13 thun tlingin, league title pahnih leh Coppa Italia trophy a lakpui tawh a, Turin khaw team tana a khelh hnuhnunber Roma muala sikhat faia an tlawm tum khan hnawhchhuah a ni.
Kean hian mipa nau-pang kum 10 mi lek a nih laiin Juventus hi a lo zawm daih tawh a, kum 2016 khan rawlthar kum 16 mi ni chungin a first-team debut a nghak-chhuak nghe nghe.
Juve leh Kean inruai nghet
![](https://theaizawlpost.org/wp-content/uploads/2023/03/ju-1.jpg)