Daily Newspaper

Juventus-in Suarez lam an hawi

11

Season liamtaah Barce-lona tan game 36 khelin goal 21 lai thun tling mah se head coach thar Ronald Koeman chuan Barca squad thuam-that a tumna kawngah kum 33 mi ni tawh Luis Suarez chu a ruahmannaa a telh tawh loh thu a hrilhchiang a, Camp Nou atanga chhuah-na kawng zawn mai chu Uruguayan tan kawng awmchhun a nih t^k hnuah Juventus an lo lang nghal.

Serie A champion ni nawn awn awn Juve hian tun nipui insuan hun lai hian forward lam an melhkual tih hriat a ni a, South American striker hi an tinzawn zinga pakhat ni chho tain, Barca lam hian Suarez-a contract hi tihtawp mai an hreh dawn lo niin a lang a, a man atan euro maktaduai 14 (£12m/USD17m) an ph<t tih chu media-te hriat dan a ni.

Juventus bakah Suarez hi a club hlui Ajax leh MLS club Inter Miami nen pawh sawizawm a ni m>k bawk.

Barcelona ang thoin Juventus pawhin an player hlui Andrea Pirlo kha manager thar atan an senglut a, Pirlo pawh hian squad siksawi a tumna kawngah veteran striker thenkhat chu chhawr zui a tum tawh bik lo a, a hmalakna hmasa pakhatah forward Gonzalo Higuain chu chhuahna zawng turin a hriattir tawh a, German midfielder Sami Khedira pawh a ruahmannaah a tel tawh lo tih a hrilhchiang tawh.

Serie A giants-in Higuain thl^ktu an dapna kawngah 2019-20 season-a Blaugrana tana goal 21 zet la khung thei Suarez lam an hawi m>k a ni.

Kum 12 chhunga trophy la loa season an hmanliam hmasakber kum an tawnbuak hnuah boss thar Koeman chuan squad thar din tumin ruahmanna a kalpui m>k a, veteran zinga ch^m tura a duh ber Messi erawh a hel ta tlat a, kum 20 a lo khawsak tawhna Barce-lona atanga Messi chhuah tum thawm hian Suarez-a boruak pawh a hliah hneh hle rih a ni.

Juventus hi tual-chhung football lamah chuan thah thiang lo tlukin vung bawk mah se 1995-96 sea-son hnu lama an champion theih t^k reng reng lohna Champions League lamah an tuihal hle a, he trophy hawnpui thei tur hmat^wng hriam tha hi an melh m>k tih hriat a ni.
Pirlo and Co. hian Roma striker tawnhriat ngah Edin Dzeko kha Higuain thl^ktu atan hian an melh tel tho a, Suarez beisei tur a awm tih an hriat hnuah he lamah hian an insawrbing chho ta m>k a ni.

Ha hriam leh za tak nei thin Suarez hian kum 2014 khan Liverpool atangin Barcelona a zawm a, Catalan club tan game 283 a khelh tawhah goal 198 a khung tling tawh a, La Liga title pali leh Champions League trophy pakhat a l^kpui tawh.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy