Daily Newspaper

Juventus leh Lazio an chak

11

Ronaldo hi a ni a, footballer tha bik a nihzia a lantir zui zel. Genoa an hmachhawn zan hian a elpui lian tak Lionel Messi chuan a career-ah goal 700 a thun tling chiah a, Ronaldo goal thun zat a um zel. Ronaldo hian career goal 726 a thun tling tawh thung. Ronaldo goal thun hnu hian Douglas Costa chuan minute 73-naah an goal thumna a thun zui leh. Minute 76-naah Genoa tan Pinamonti chuan goal thun bawk mahse goal dang an thun belh thei tawh lo thung. Khualmualah Juventus chuan phu taka hnehna changin, point thum an hlawhchhuak a, point liin hma an hruai zui zel a, champion an hnaih deuh deuh zel. Juventus in hma an hruai zui zel lai hian Genoa dinhmun a chhe sawt hle thung. An hnuaia awm mek Lecce an chak a nih chuan Genoa hi tlakhniam theihna ruamah an tlu lut chiah dawn a ni. Lazio pawh an chak Thawhleh zan tir lama inkhelah Lazio chuan mikhual an nihna hmunah 2-1 in hnehna an chang a, goal thun thei Ciro Immobile chuan goal thun zui lehin European Golden Shoe a beisei chhunzawm zel. Torino muala lenglut Lazio hi bul an tan chhe hle. Minute ngana lekah penalty an chawi a, goal an chhuah nghal bawk. Hma taka an si phurh hi chawlhlawk hmin an sut thei lo zet a, chawlhlawk hnu lamah insiamthain hnehna an chang let thei hram thung. He inkhelah hian minute ngana lekah Torino captain Andrea Belotti chuan hmahruaina goal a thun. He goal hmang hian hun rei tak chhung hma an hruai. Chawlhlawk hmaa khel tha lo Lazio hian second half-ah bul an tan tha ta hle thung. Minute 48-na lekah Luis Alberto siamsak atangin Ciro Immobile chuan goal thunin an si phurh a sut a, Serie A season kal mekah goal 29 a thun tling chiah a, Serie A topscorer a ni zui zel. European Golden Shoe dawng thei tura hmahruai mek, Bundesliga-a goal 34 thuntu Robert Lewandoski chu Immobile hian a um zui zel a, an inkarah goal 5 chiah a tla zel tawh a, lehpelh theihna hun tha tak a la nei. Immobile goal thun hnu hian minute 72-naah Marco Parolo chuan an chakna goal a thun a, khualmualah hnehna pawimawh tak an chang a, champion an beiseina an chawk nung thar zui zel.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy