Ka chhung ro deuh, tuihal deuh huam huam angin i awm thin em? Tui no 2-3 vel i in hnuah pawh ka chhung ro deuh tlata hriatna i nei thin em? Hetiang hi i nei thin a nih chuan inenkawl a ngai. Ka chhung ro hi Xerostomia an ti a, chil tichhuaktu gland ten an hna an thawh that loh vang a ni thin. Hetiang kachhung ro hi taksa chhunglam natna eng emaw avang pawhin a awm ve thei. Hetiang vanga buai te chuan thil ei lem te pawh an harsat deuh thei a, hmuirêp leh thawk rimchia te pawh an nei duh hle. Ka chhung ro chu a nuam lo ve thei hle a, tun tumah hian Times of India health section-in mahni tawka a tihreh ve theih dan tha ni a an sawi te kan rawn tarlang e.
1. Tui in tam a, taksa tihhnawn that a pawimawh. Ka chhungro nei thin chuan tui in tam tur a ni a, nikhatah tui litre hnih tal in thin tur a ni a, coconut tui leh thei tui dang te pawh in tam a tha.
2. Chini tel lohna cheweing gum thial a tha a, chini tel lohna thil hmuam chi te pawh a tha a, heng hian rei vak lo chu kachhungro a tiziaawm ve thei. |helret-ah pawh xylitol awmna ang chi thial hian chil a tichhuak hnem duh.
3. Hrawk thuah thin tur a ni. Nitin tuilum chialin hrawk thuah thin tur a ni a, hei hian kachhung ro huam huam a tiziaawm ve thei. Tuilum chial-a hrawk kan thuah hian chil tichhuaktu gland a tiharh a, chil a lo tichhuak thin.
4. Spice ei tam a tha. Chawhmeh tihrimtui nana kan hman thin heng cayenne pepper, fennel seed, cardamom (elaichi) te pawh kachhung ro tan a tha. Heng spice-te hi chawhmeha telh emaw, a lawnga hmuam/ei te pawhin kachhungro a tiziaawm ve thei.
5. Ser a tha. Ser hi a nihphungah thur (acidic) a ni a, kachhung tihfai nan a tha hle. Ser thur hian chil tichhuaktu gland a tiharh a, chil a lo chhuak thin a, chu chu kachhung ro nei tan a pawimawh hle a ni. Tuktin sertui no khat te inziah thei thei la a tha viau ang.
Ka chhung ro tihreh dan
