I ka chhung tihfai kha i ngaihthah a, i titha peih lo a nih chuan chanchin thalo a awm. Ka chhung a hrisel that loh hian thin (liver) cancer risk 75%-in a tisang thei niin mithiam ten an sawi.
Queen’s University Belfast a mithiam ten UK-a mi 4,69,000-ah zirchianna neiin, chuta tanga an hmuhchhuah chu ka chhung hriselna a that loh chuan pum lam cancer chi hrang hrang a tisang thei a, chung zingah chuan thin, pancreas leh rectum cancer te pawh a tel.
Ka chhung hrisel lohna chi hrang hrang mouth ulcer, hahni thi thin leh ha nghing te leh cancer-in inzawmna a nei thei em tih chu he zirchianna-in an tum ber a ni a, ka chhung hrisel lohna chi hrang hrang hian pum lam cancer tam zawk chu a kaihhnawih lo a, mahse ka chhung hrisel lo leh hepatobiliary cancer (hepato chu thin lam sawina a ni a, -biliary chu mìt (gallbladder), bile duct/ bile nen inzawmna a nei thei niin an sawi.
Ka chhung hrisel lo hian heng cancer mai bakah lung (heart) natna chi hrang hrang, stroke leh zunthlum risk te pawh a tisang thei niin zirchianna neitu te chuan an sawi. Zirchiannaa mi 4,69,628 zinga mi 4,069 chuan kum ruk chhung zirchianna an neih chhungin pum lam cancer an nei a, 13% chu ka chhung lam hrisel lohna eng emaw tak nei an ni.
Ka chhung tihfai \hat lohin cancer risk a tisang!
![](https://theaizawlpost.org/wp-content/uploads/tap_logo-min-large.jpg)