Daily Newspaper

Ka lakah City chairman a hlim lo – Guardiola

28

Manchester City boss Pep Guardiol chuan Premier League title an humhim zawh loh avangin club chairman Khaldoon Al-Mubarak a lawm lo hle tih a sawichhuak.

Spanish head coach lar leh hriat hlawh Guardiola hian Premier League lamah an chimchin pang-ngai kha tun season-ah an pha lo tih a tarlang tel.

City hian kum 2016 nipui thawt laia Guardiola an sengluh hnu khan tunhma lama an la hriat ngai loh tualchhung lama hlawhtlinna an chang chho mawlh mawlh a, kumin lek a enkawl chhungin trophy pariat a l^kpui hman a, chu’ng zingah chuan Premier League title pahnih telin, English football-a champion tum tan Blues hi hneh ngai hraw ber an ni chho ta hial a ni.

Season liamta khan Liverpool hian Premier League hm^wr-b^wknaah Guardiola naute hi an pha lo chiah chiah a, khami tuma an lungchhiatna kha season thara phur lehzualna petu atan an hmangtangkai ta hlauh a, 2019-20 season-ah hnehtu ni chungin an inlan chho malh malh a, hripui avangin an title hawn tur a sukuk thei dawna a lan laiin kum 30 chhunga a vawikhatna atan top flight title chu etihad club kut atangin an chhuhsak fel ta nge nge a ni.

Reds hian June ni 25-a mualneitu Chelsea an hneh rual kh^n an f<kna lalthutthleng atangin City an n>kchhuak a, an champion lai khan game sarih zet khelh tur an la nei nghe nghe.

Jurgen Klopp-a team hian Premier League chanchina point hmu tamber ni chunga season khar theihna hun remchang an la nei mek a, hetih lai hian City chuan point 21 zetin champion thar hi an thlau tawh a a, Anfield club hian khelh hmabak pathum an la neiha an chak vek chuan point 102 hmuin points record thar an siam thei dawn a ni.

Hetih lai hian City boss Guardiola chuan tun season-a City chak mar thei lo chuan board room lam a tihlawm loh thu sawi chungin Bournemouth an hma-chhawn tur vuakveta press conference a hmachhawnah, “Ka club hian rilru a tibuai khawp mai. Chhung lam thila ka chairman chungchang sawichhuah hi ka duh chiah lo a, mahse, ka lakah ka chairman hi a hlim hauh lo.

“Point 21 zetin Liverpool kan pha lo a, ka lakah pu ber a lawm lo a, mahse, club chhung lamah hian hmasawn tumin kan bei mek a, club hutu lawkte rilru hmin z^n thei turin season thara tha zawka inlan tum kan tum a, mahse, a pawimawh ber lai chu khelmual chhung zel hi a ni,” a ti.

Kum 49 mi Spaniard contract neih lai hi nakum nipui laia tawp ve mai tawh tur a ni a, tun dinhmunah a hmalam hun tur a la tifel lo a, a tel lo pawhin club chuan hlawhtlinna an chan theih tho tur thu a sawi tlat!

Guardiola chuan, “He club hi Pep telin emaw tel loin emaw pawh ni se a sakhat t^wk a, he hmun ka lo thlen hm^ pawhin (Roberto) Mancini leh (Manuel) Pellegrini-te hnuaiah football tak tak khel chungin title tamtak an lo hlawhchhuak tawh a ni,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy