Daily Newspaper

Kacey Musgraves leh Ruston Kelly ten inthen dilna an theh lut

19

Grammy pawh dawng tawh zaithiam Kacey Musgrave leh a pasal, musician Ruston Kelly te chuan court-ah inthen dilna an theh lut a, an nupa hian thuchhuah in\awm siamin, “He thutlukna thinthawng tak mai hi kan pahniha kan siam dun a ni,” an ti.

Musgrave leh a Kelly te hi kum 31 a upa ve ve niin, 2017-a innei an ni a, tuna inthen an tumna chhanah hian chhan dang vak a awm lo a, khuanu samsuih an ni lo tih chu an in\hen chhan ber a ni deuh mai. An thuchhuahah chuan, “Thinlung rit tak, mahse, beiseina nei chungin kan thil tawn hi puan kan duh a ni. Heng thupuan te hi chu kan chinleh leh rinthu nen kan umzui duh hle a, chutiang chu a thlen hmain tih tawp kan duh a ni. Kan nunah hian chhan neia intawng niin kan inring a, kan that zawk nan keimahni pawh kan inthlak danglam nasa. Kan kara hmangaihna awm hi nupa inlaichinna satliah piah lam daih a ni. Thinlung lama inzawmna, nawhreh theih tawh loh a ni,” an ti.

Tuna inthen an duhna chhan chu an inkara midang tlakzeh vang emaw, an nupa intihthiam loh vang emaw lam a ni lo tih sawiin, “He thutlukna thinthawng tak mai hi kan pahniha kan siam dun a ni- rei tak chhung theih tawp kan chhuah dun tawh hnua thutlukna hrisel tak kan neih a ni. Khuanu samsuih kan ni lo a ni ber e. Nupa kan nihna chu tawp mai se kan dam chhung zawng thian tha tak kan ni zui zel ang. Inpuh tawnna emaw, thinrimna emaw buaina siam emaw kan tum lo, he hun kan pallang lai hian kan privacy te min zah sak turin kan ngen nghal che u a ni,” an ti bawk.

Kacey Musgrave hian 2013-a a album ‘Same Trailer Different Park’ a tihchhuah chu a larpui a, Grammy-ah best country album a dawn bakah he album-a a hla ‘Merry Go Round’ avangin best country song a dawng a, hei bakah hian 2019 Grammy-ah khan a album ‘Golden Hour’ avangin award pali a dawng a, chung zingah chuan award ngaihhlut album of the year pawh a tel.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy