Daily Newspaper

Kai thar 46 zingah tualchhunga kai 31

33

September 23-a sample endik, a tuk zinga result tihchhuahah Covid-19 kai thar 46 hmuh an ni a, heng zinga 31 hi tualchhunga midang hnen atanga kaichhawng nia ngaih an ni.

ZMC RT-PCR laboratory-a September 23-a sample 1381 endik atangin hri kai 33 hmuhchhuah an ni a, heng zinga 31 hi tualchhunga hrikaite atanga kaichhawng nia hriat an ni. Tualchhunga inkaichhawnah hian Bawngkawn Venga awm Vishal dawra thawk pakhatin hri a kai tih hmuhchhuah a nih hnua hnuchhui kal zelah he dawra thawk midang 5 pawh hri an kai tih hmuhchhuah a ni a. Durtlang mi 2; Bawngkawn, Zemabawk leh Bethlehem Veng mi pakhat theuh an ni.

Thuampui Veng atangin hri kai 17 hmuh thar an ni a, an zinga pakhat hi tunhnai LC inthlana duty niin, a dangte hi an kaina chhui lai an ni. Edenthar-ah kai thar 8 awmin, Khatla East-ah 1 a awm bawk a. Tualchhunga atanga kai zinga chhiar tel loh, 90 Bn BSF ami 2 hmuh thar an awm bawk. An vai hian khunghran lai vek an ni.

Lunglei-a TrueNat khawl atangin mi 11, BSF sipai vek chu hmuhchhuah thar an ni a. Kerala, Assam, Rajasthan, Haryana, Odisha, Uttar Pradesh, Bihar, Punjab leh West Bengal atanga lokal, khunghran lai mek an ni.

Mamit-ah pakhat, West Bengal atanga lo haw, khungran mek chu hri kai hmuhthar awmin, Rapid Antigen Test-ah Serchhip ami Uttar Pradesh atanga lokal BSF pakhat a awm bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy