Thei ei chi zawng zawng hi taksa tan hriselna a ni deuh vek ang, mahse, i rihna tihniam (intih cher) i duh vanga chaw dang zawng zawng nghei vek a, theirah chauh i rin chuan i taksa tan a \ha dawn miah lo a nia.
Thei \henkhat chuan-ah chuan thil thul (furctose) a tam hle a, chu chu intih cher tumte tan chuan mi ti thautu a ni zawk hlauh thei. Hei le, Times Of India health section-in intih cher tumte tana thei kamram chi leh chi loh ni a a sawi te kan rawn tarlang e.
Kamram chi te:
Berries: Strawberries, blueberries, rapsberries, blackberries te hian antioxidant, vitamin leh fibre an pai hnem a, kanram atana hman chi ber pawl an ni.
Cherries: Cherry hi berries nen antioxidant an pai tam lam a inang hle a, mahse, natural sugar an pai hnem hret, mahse, carbohydrate an pai tlem hle a, a pawi chuang lo, chubakah fiber an pai hnem tho bawk.
Apples leh Pears: Apple leh pear te hian sugar an pai tlem a, chutih rualin fiber an ai hnem thung.
Apricot leh Peaches: Apple leh pear te ang bawka nutritional value nei an ni a, Vitamin C leh fiber an paihnem hle bawk.
Kamram chi vak loh te:
Dawnfawh: Dawnfawh-ah hian sugar a tam hle a, chuvangin a khat tawka ei zauh zauh chi chauh a ni.
Lakhuihthei: Sugar a pai hnem hle a, mahse, nutrient leh bromelain te pai hnem tho avangin a khat tawka ei zeuh zeuh chi a ni.
Theihai leh Thingfanghma: Lakhuihtheih te ang em em chuan sugar pai hnem lo mahse, a khat tawka ei zeuh zeuh chi a ni.
Balhla: Potassium a pai hnem a, mahse, starch a pai hnem ve tho vangin intih cher tum te tan chuan ei tam lutuk a fuh lo.
Kamram atana thei ei chi leh chi loh te
