ZD. Lalvunga
Keini Christian-te (Abikin Mizote) chuan, Iraq ram hi Pathian ringlo leh nunrawng tak, Hmeichhia-te phei chu an chepin an rapbetin an ngainep hle thin angin kan ngai a. Chutih rualin kan Bible-ah chuan Isreal a lang ber a, chumi rual chuan Iraq hi a ni a, Iraq ramah hian Bible-a hmun hming leh Mihring hming lo lan dan chu hetiang hi a ni.
1. Eden Huan awmna hmun a ni.
2. Mesopotamia tuna Iraq lo nita hi, Khawvel Civilization (Hmasawnna) lo chhuahna ani.
3. Nova Lawng tukna hmun a ni.
4. Babel Insang sakna hmun a ni,
5. Abrahama lo chhuahna Ur khua hi Iraq chhim lama awm a ni.
6. Isaka nupui Rebeki hi Nihar khua Iraq a mi a ni.
7. Jacoba khan Rakili kha Iraq rama a chhar chhuah a ni.
8. Iraq rama Ninevi (ninevah) ah Jona’n thu a sawina kha a ni.
9. Assuria hi Iraq rama awm a ni a, Assuria hovin Israel hnam 10 te kha hnehin salah an man vekna ram a ni.
10. Iraq ram hi Amosa auna hmun kha a ni.
11. Babulon kan tih hi Iraq ramchhunga awm a ni. Babulon hovin Jerusalem run in an hneh a ni.
12. Baniala sakeibaknei puka an paihna hmun kha Iraq hi a ni.
13. Sadraka, Mesaka leh Abednego te meipuia an paihna hmun kha Iraq ram tho a ni.
14. Belshazzara, Babulon Lal awmna banga thu inziak, “ Mene Mene, Tekel” tih an hmuhna hmun a ni.
15. Nebukanezar, Babulon Lal khan Juda te Iraq-ah hian sal atan a hruai a ni.
16. Zawlnei Ezekiela thu hrilhna hmun kha Iraq hi a ni.
17. Iraq hi Khawchhak Mifing 3 te awmna kha a ni.
18. Petera Chanchintha hrilhna hmun kha a ni.
19. Thupuan a Mihring Lalram a tih kha, Iraq khawpui Babulon hi a ni.
20. Lalnu Estheri Lehkhabu inziak te thlenna hmun kha a ni.
21. Khawvel Lalram hmasaber a ni a, Adama leh Evi awmna a ni.
22. Bible ram hming kan hmuh tam ber chu Israel ani a, a dawtah Iraq hi a ni. Bible-ah chuan Iraq-Babulon, Kaldai (Chaldem) Sinar ram (Land of Sinar) leh Mesopotamia tiin kan hmu bawk a ni. Heta tang hian Iraq ram kalphung chu kan ngaihruat thiam thei mai thei a ni.
Bible-a kan hmuh leh rin dan chuan, Rawngbawltu leh Upa te tan Nupui pakhat bak neih loh tur ang ten kan hria a, tan chhan bulfuk tak keini ang hi chuan kan hre pha ve lova, Nupui/Pasal neih chungchangah hi chuan keini Mizo fate chuan thihna vang emaw a nih lohva, nupa inrem leh vangte a, nupui pasal neih deuh duah hi, kan ngaihdanah chuan, kohhran upa ho tan chuan, pakhat bak neih thiang lo tlukah kan ngai a. Politics tak phei chuan, insawichhiatna hmanruaah kan hmang duh khawp mai. Engpawh nise Bible-ah Nupui pakhat nei ho chu heng mite hi an ni.
1. Ahab – 1 wife
2. Adam – 1 wife
3. Herod – 1 wife
4. Ananias – 1 wife
5. Pontius Pilate – 1 wife
6. Jeroboam – 1 wife
7. Nebuchadnezzar – 1 wife
8. Haman – 1 wife
Mi bo an ni a, Pathian an phatsan vek a ti a. Engtizia tak chu ni ang maw nupui ngah ho hi Bible-in heti hian a ti leh lawi si.
1. Abraham – 3 wives
2. Jacob – 4 wives
3. David – 4 wives
4. Solomon – 700 wives
5. Rehoboam – 18 wives
6. Abijah – 14 wives
7. Elkanah – 2 wives
8. Lemech – 2 wives
An ni erawh chu an zavaiin Lalpa mit an tlung a, Pathian pawh an chungah a lungawi a ni, A ti leh a, nupui pasal neih ah hian, mahni duh dan leh ngaih dan a ni em le? Hriatthiam a har ta e…