Site icon The Aizawl Post

KAN BUDGET CHUNGCHÂNG KAN SAWI FO |HIN A, “SUM ENKAWL THIAM”, TIH TE KAN SAWI |HIN

By F. Malsawma
A nihna tak, Zoram mamawh chu, THIL PATHUMTE hi an ni.
1) Kan sum hman chuan rah chhuah tha, INTODELHNA leh CHANGKÂNNA a thlen tur a ni a. Chuta tâna dah pawimawh (ngaih pawimawh..prioritised tur hriat leh chu chu a hmasaah) tur a ni. Hei hian, Delhi lama Project siam pawh a huap vek ang. Bazaara kal a, secondhand thin nâna mahni sum dinhmun ngaihtuah lo lêka hman ral chiam mai chu a fing ber lo ang. Ruahmanna fel leh Hmathlir (Vision) mumal tak neih a ngai a ni. Ramhnuai ngawpik inarkhawthim daipui ringawt chi a ni lo. Mithiamte thiamna te hman tangkai tur a ni.
2) Kan sum hmanna tur ruahmanna chu, a bul atanga a táwp thlenga ruahmanna siam (ang)a vil zui tur a ni a. A chhawrtu (beneficiaries)te harsatna tawh theih turte pawh sutkianpui tur a ni. Tui (lí)a lungtum vawma a per chuai ang hian rah chhuah a rawn nei ve chuai tur a ni.
3) Ram rorêlna fel leh tha neih a ngai leh a. Politics-in-in a tihchhiat thui lutuk phal tur a ni lo. Ram inawp dân tha (Good Governance) tel lo vin ram a ding chhuak thei lo. Phulraw ban hlir hmangin RCC chhuat leh a chung lam sak a chi loh ang hi a ni.
Hei vang hian a ni, MLA leh Minister thate ramin a mamawh nachhan chu.

Exit mobile version