People’s Conference chuan Lok Sabha inthlanpui neih turah an party candidate chu mipui lawm hlawh ber a ni mek tih an sawi.
PC party thuchhuak chuan, tunhnaia YouTube channel hoin MP candidate an kawm tawhte zingah PC candidate Rita Malsawmi chu mipui ngaihven hlawh ber dinhmun a chang a, lawmawm an tiin an chhuang takzet tih a sawi.
‘Mizo mipuiin party bil ruihchilhna rilru hnualsuat a, neutral taka kan democratic right kan hmang thiam chho ta hle hi lawmawm kan ti a. Tun tum MP inthlanah pawh party feeling dahtha a, a mimal taka kan ngainat leh kan duh Rita Malsawmi hi lo vote vek turin Zoram mipui kan ngen a ni,’ thuchhuah chuan a ti.
Kan candidate-in lawm hlawh – PC
