Daily Newspaper

Kan himna turin mithiam neih a pawimawh – CYMA president

11

Ram leh hnam himna turin mithiam neih a pawimawh tih Central YMA president Vanlalruata chuan a sawi a. Thiamna leh finna zawnga Mizo thlaite kan hmanhlelh loh chuan hnam dingchhuak kan ni thei dawn lo, tiin a sawi.

YMA kumpuan – ‘Zirna Uar’ bawhzuina atana Central YMA hnuaia Kumpuan Committee-in zirna uar tura mipuite fuih thei tur video clip siam intihsiak a buatsaih chu Zirtawpni khan result puan a ni a. Heta thu sawitu Central YMA president chuan, YMA-in zirna uar hi kum 1995/96 vel khan kumpuanah a lo hmang tawh a, kan sawtpui hle nia hriat a ni, tia sawiin, “Ram leh hnam dingchhuak ni turin thiamna neih chu thil pawimawh a ni a. Hetihrual hian hemi nei tura bawhzui kawngah tan lak erawh a ngai,” a ti.

Kumpuan Committee chairman, CYMA vice president Lalhmachhuana chuan hrileng vangin kumpuan tihlawhting tura bawhzui chak theih a ni lo tih a sawi a. Hun rei tak zirna inte khar a nih tawh avangin zirlaite an inthlahdah tan tawh nia a lan thu leh pawi a tih thu a sawi. Inthlahdah loa a theih ang anga lo inzir tura a duh thu leh central service lakna tura exam awm thut pawha hmachhawn thei tura inbuatsaih turin zirlaite leh thalaite a chah tih a sawi bawk.

Zirna uar video clip insiamsiakah hian YMA Branch 10 atangin video dawn a ni a. Pakhatna latu chu North Vanlaiphai Rahsi Beng branch niin lawmman sumfai Rs.5000 an dawng. Pahnihna Tumpui Branch Kolasib niin Rs 3000 an dawng a; pathumna Ramhlun South Branch Aizawl-in Rs.2000 an dawng.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy