June 23 zana Lawngtlai Vengpuia in kang vanga nunna chan mi pahnih leh in chhiate hnenah sawrkar atanga zangnadawmna (ex gratia) leh Chief Minister’s Relief Fund atanga chhawmdawlna chu Thawhlehni khan district bawrhsap Cheemala Siva Gopal Reddy chuan lusun chhungte leh chhiat tawkte kutah a hlan.
Bawrhsap chuan chhiatna thleng chu pawi a tih thu leh chhiat tawkte a tuarpui thu sawiin, chhiat tawh kara tlawmngai pawl, khawtlang hruaitu leh mipui tlawmngaihna leh thawh hona lang chhuak chu chhuanawm a tih thu a sawi. Sawrkarin zangnadawmna hlan tur rang taka a tifel thei chu thuneitute hnenah lawmthu sawiin, chhiatna thlengah sawrkar leh district administration chuan mipui thlahthlam loin, theihtawpin a chhawmdawl zel dawn tih a sawi a ni.
Tarlan tawh angin he in kangah hian mi pahnih – A Sungtiali (76), H Thangnawna (L) nupui leh H Darhliangi (70), H Thangnawna (L) farnu te an kanghlum a. An ni pahnih chhungte kutah Disaster Management & Rehabilitation department hnuaia State Disaster Response Fund (SDRF) atangin ex-gratia cheng nuai 4 ve ve hlan a nih bakah CM Relief Fund atangin Rs. 25000 ve ve hlan a ni a. Kangmei chhuak vanga chenna in pahnih – H Thangnawna (L) in leh Lalruatsanga in chhia zangnadawmna atan SDRF atangin in neitute hnenah Rs. 1,30,000 ve ve hlan a ni bawk.
Lalruatsanga in hi kangmei chhuahna in thenawm chiah niin, nunna chan ta A Sungtiali fanute in a ni.
Kanghlum chhungte sawrkarin a ral
