Daily Newspaper

Kar hla di zuna uai

11

Khua hmun loh di neih zawng a har ngei, an tia mi kha. A ni lah taka, kar hla di zuna uai chu hahthlak deuh mai a ni. Chutianga inhlat taka awm chung pawh a kan inhmangaih leh induhna te vawn nun reng theih dan a awm niin relationship lama mithiam ten an sawi a, kan rawn tarlang e.

1. Khaw khata awm lo ta na na na chu nitin inhmuh theih a ni lo va, mahse, inpahniha hun hman dun tam a pawimawh ve tho si a, chuvangin, nikhatah vawi khat tal inbiak pawh ngei tum tur a ni.

2. Duh duh huna inhmuh a inrim ve theih a nih loh avangin a tua ve ve tan pawh khawdang inhawisan mai a awlsam hle a, chuvangin, indinhmun hriatthiam a pawimawh a. Mite anga duh duh huna inkawm hlim ve thei in nih loh dan te chu pawmthiam tum tur a ni.

3. Hetiang boruakah hi chuan inpekna a pawimawh hle a. Inngaihzawnnaah inhmangaihna tih loha pawimawh leh pakhat chu inhriatthiamna hi a ni. In dinhmun in inhriatthiam tawn phawt chuan in inkarah harsatna a thleng lo vang.

4. Present inthawn fo pawh a pawimawh khawp mai. Nitina phone atanga inbiak mai piah lamah hmangaih lehkhathawn (love letter) fly zeuh zeuh pawh a tha khawp mai. SMS-a inhmangaih thu inthawn mai aiin kutziak ngeia hmangaih thu inthawn hi a dawngtu tan a hlu bik hle a ni.

5. A tam thei ang inhmuh dan tur ngaihtuah thiam a tha a, inhmuh chhunah chuan a hlimawm thei ang bera hun hman dun dan ngaihtuah tur a ni. Chu chuan in pahnihin a phuar nghet sawt ang che u.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy