Daily Newspaper

Karaoke duo record an siam

29

Jacqueline Brits leh Rhinus Lotz te chu darkar 35 chhung zai dunin, Karaoke Duo Guinness World Record an siam a, he record siam hi Dixie Farm biak in sak that leh nana sum tuakna tura an tih niin, June 2021-ah chuan biak in hi sak that leh an tum a ni.

An zai lai hi Facebook feed-ah live a ni a, hei hi record an siam ngei tih nem ngheh nan an hmang nghal a, Guinness World Records pawhin Facebook live hi an pawm sak a ni.

Brits leh Lotz-te chhuan darkar 24 pelh hnuah a hahthlak lai ber niin an sawi a, Brits chuan, “Kan taksa pawh a hah a ni tawp mai. A tawp lam darkar kua kha a hahthlak lai ber niin ka hria, ka aw pawh a chau tawh a,” a ti.

A tirah chuan darkar 48 chhung zai an tum a, mahse, darkar 35-ah an duhtawk ta a, “Darkar 48 kan tum kha a ni a, kan tum ang thleng lo va tawp kha a hrehawm duh a, mahse, darkar 35 pawh a tha tawk viau tho e,” a ti bawk.

An zai lai hian darkar khatah second 30 zel chawlh an nei a, an chawlh neih hi an khawl thei bawk. He second 30 chawlh an neih chhung hian ei leh in bakah inthiar te pawh an tih vek hman a ngai a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy