Daily Newspaper

Kareena Kapoor a ruaklo

12

Bollywood star Saif Ali Khan leh Kareena Kapoor te chuan an fa pahnihna an pai thu social media kaltlangin an puang a, “Kan chhungkaw member kan pung dawn tih lawm takin kan puang e! Min duhsaktu te zawng zawng chungah min hmangaihna leh support-na avangin kan lawm e,” an ti.

Lockdown an thlahdul hnuah Kareena Kapoor hi an fapa Taimur Ali Khan a chhuahpui lai paparazzi ten a thla an la fuh thei hle a, a laizawn Karisma Kapoor a tlawh deuh zut a ni, a fapa Taimur hi a hruai deuh zel a ni. Kareena leh Saif te hi 2012 khan innein, Taimur hi December ni 20, 2016-ah an nei.

Kareena sawi takah chuan Aamir Khan nena an chan dunna ‘Laal Singh Chaddha’ chu shooting an tan tawh nain coronavirus hripui leng avangin an chawlhsan leh rih a, he film hi kumin Krismas laia tlangzarh tura ruahman kha a ni nain, tunah chuan 2021 Krismas a tlangzarh turin an sawn leh ta a ni. Laal Singh Chaddha’ hi Hollywood film lar tak ‘Forest Gump’ entawna chan tur a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy