Daily Newspaper

Karleh Nilainia trophy dawng tur Liverpool

12

English top flight cham-pion thar Liverpool chuan June thla khan kum 30 chhunga an league title hmasaber chu an lo hlawh-chhuak tawh a, Premier League trophy hi karleh Nilainia Chelsea an mikhualna inkhel zawhah hlan an ni dawn.

Anfield-ah hian fans an luh a rem dawn lo a, Premier League trophy dawnna ‘special ceremony’ hi television lamah pekchhuah a ni ang a, UK bikah chuan Sky Pick channel-in a thlawna en theih turin an tichhuak dawn a ni.

Jurgen Klopp leh a naute hian club legend Sir Kenny Dalglish kut atangin medal an dawng dawn a, chumi zawhah club captain Jordan Henderson chuan khawvel hmuh theih turin trophy a lekchhuak tawh ang.

Season liamtaa Champions League trophy lo chawi tawh Henderson hi khup hliam avangin kuminah a inkhel thei tawh lo a, kum 1990-a trophy chawitu Alan Hansen hnu lama Liverpool captain zinga English champion-te dawn thin trophy chawi leh thei hmasaber ni tur erawh chuan a dam thung!

Henderson leh a team-mate rual hian dawhsanah trophy hi an dawng dawn a, he podium kiang hnaiah hian fans awm thei dawn lo mah se an supporter-te kutchhuak ngei banner chi hrang hrangin dawhsan hi a hual khup dawn a, podium hi Kop Stand lai taka sak tur a ni.

Club lam chuan an trophy dawn tur behchhan hian thuchhuah an siam a, ‘trophy ceremony’ laia Anfield kawta pungkhawm lo hram tur leh in lam atanga lawmmawn sem inkhawm hlim taka lo chhim mai turin an chah a, coronavirus laka himna vawng reng turin an fuih.

Chhiarkawp dana Li-verpool an champion hnu khaan Anfield-ah fans an lo pungkhawm chiam tawh a, khatianga khawsak kha a him lo tih hre reng chungin an lo inkhap zo tawh lo a ni.

Fans hlim sahawk tawm thei lo kha Liverpool khawpui lailiah pungkhawm bawkin, an supporter-te chet dan kha club leh an khaw mayor Joe Anderson-te pawhin an sawisel hial a, tuntum trophy dawn vuakvetah hi chuan pungkhawm tawh lo hram se tiin fans an nawr na hle a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy