Daily Newspaper

Karnataka CM thar atan Basavaraj Bommai la lut

16

MLA tum thum ni tawh leh minister hlui Basavaraj Bommai chu Karnataka Chief Minister 30-na atan lakluh a ni ta.

Governor Thaawarchand Gehlot chuan senior BJP leader te, chief minister hlui B.S. Yediyurappa, Union Minister Dharmendra Pradhan leh BJP Karnataka in-charge Arun Singh-te awm laiin rinawmna thu tiamtirin a la lut a ni.

Pathian hminga rinawmna thutiam lain amah thlawptu ten Bharat Mata Ki Jai tiin an lo aurual bawk. Raj Bhavan pawnah a constituency Shiggaon mi leh sa thahnem tak awmin an lo lawm hle a ni.

Chief Minister hlui leh Janata parivar leader S.R. Bommai fapa niin BJP leagislative party chuan B.S. Yediyurappa thlak turin an thlang a ni.

Prime Minister Narendra Modi chuan lawmpuina thun thawnin Bommai chuan a tawnhriat tha tak hmangin hna tha taka a thawh a rin tlat thu a sawi bawk.

SR Bommai hian kum 2008 khan Janata Dal atangin BJP a zawm a, amah rualin JDU hruaitu lawk 22 a chhawm lut tel bawk.

Karnataka Legislative Council-ah member tum hnih ni tawhin Chief Minister hlui JH Patel political secretary a ni tawh bawk a ni. JDU atanga BJP a luh hnuah Yediyurappa bel chatin atana rinawm rengin a awm bawk.

Zirna lamah mechanical engineer niin TATA Motors Pune-ah kum thum a thawk tawh a, a hnuah entrepreneur lamah a luhsan leh thung a, Politics a luhchilh zui ta a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy