Karnataka Congress buaina hruaitu lawkten tifel dawn – Kharge
Congress National President Mallikarjun Kharge-a chuan Karnataka-a hruaitu inchuhna thawm awm mek chu an party hruaitu lawkten a huhova ngaihtuahin thutlukna an siam dawn tih Ningani khan a sawi.
Bengaluru-a thuthar lakhawmtuten an kawmnaah Kharge-a chuan he thila ‘tel ve zawng zawng’ rawn vek an nih tur thu a sawi a ni.
“A tel ve zawng zawngte biain an sawiho ang a. Rahul Gandhi-a pawh a tel ve dawn a, mi dangte pawh an tel ve zel ang a. Chief minister leh deputy chief minister pawh an tel ve ve bawk ang,” a ti.
Kharge-a chuan thutlukna chu a mi malin a siam dawn lo va, party-a hruaitu lawk leh liante chuan team khatin an siam dawn tih a sawi.
“Team a awm a, keimah chauh ka ni lo. Hruaitu lawkten an sawiho ang a, thutlukna an siam ang,” a ti a. Kil hrang hranga mite nen indawra an inbiak hnuah chauh an buai mekna chin felna tur chu a chhuak dawn chauh tih a sawi bawk.
Karnataka-a rorel lai, Congress party chhungah hian hruaitu inpawhna a awm mek a. Chief Minister Siddaramaiah leh Deputy Chief Minister DK Shivakumar te hi sorkar an siam tirh atanga thuneitu zawk nih inchuh an ni.
Anmahni ve ve chuan an inpawh tih sawi fo mah se an thuihhruaite chuan an inkarah khi lian tak awmin hruaitu pawh thlak a ni dawn, ni dawn lo tih an sawi chhuak fo thin a. Siddaramaiah hi hnam hnufualte zinga tla na leh sorkar a hruai tawh china che tha a ni a, Shivakumar-a hi party hruainaa tha a ni ve thung.
Deputy chief minister lamtang thenkhat chuan chief minister thutthleng hi kum 2023-a sorkar an siam dawnah khan hun chanve (kum hnih leh a chanve)-ah inthleng turin sawi a ni tih an sawi thin a, party chuan official-a sawi a la nei lo va. Inthlana an chak tum pawh khan tu zawk nge chanvo sang ber hi chelh zawk dawn tia inhnialna rei tak a lo awm tawh bawk a ni.
Karnataka Congress buaina hruaitu lawkten tifel dawn – Kharge
