Mamit khawpui chhunga sawrkar hnathawk, officer leh staff hrang hrangte chu chawlhkar tir – Thawhtanni leh kartawp – Zirtawpni ah pisaa dawr tur an awm mumal lo thin chu an ngaimawh tih Mizo Zirlai Pawl chuan an sawi.
MZP Hqrs Mamit hruaituten Mamita thuthar thehdarhtute hnena an sawi danin, sawrkar pisa hrang hrangah hnathawktu pawimawh tak takte kartir leh kartawp lamah dawr tur mumal an awm loh fo avangin khaw dang leh tualchhung atanga pisa dawr tumten harsatna an tawk thin a. Hei hi an ngaimawh avangin mipui harsatna tawh thin sutkian a nih theihna’n hma lak an tum tih an sawi.
Mamita hnam dang ILP nei lo awm leh ILP nei pawh an ILP neih ang ni loa hna thawkte an ngaimawh tih Mamit MZP hian sawi bawkin, hengte hi enzui a, police lam nen tangduna hma lak an tum tih an sawi. Mamitah hnam dang, dan loa sumdawnna kalpui an awm leh awm loh pawh enzui an tum tih an sawi a ni.
Sawrkar laipui enkawl zirna in, Jawahar Navodaya Vidyalaya-ah chi bil leh hnam bil anga inthliarna awm thin anga sawi awm pawh enzui leh siamthat an tum tih an sawi bawk.
Kartir leh kartawpah pisa dawr tur mumal awm lo – Mamit MZP
