Katy Perry chuan American Idol judge atanga chawlh a tum thu a puang a, “Khawvel dan han chuanin, rimawi thar te pawh kan tichhuak ve leh mah na,” a ti.
American Idol hi February ni 18-ah an tan leh tawh dawn a, he TV talent show hi season 22-na tur a ni tawh a, Katy Pery tan hian judge anga a season sarihna leh tawpna a ni tawh dawn a ni.
Perry hian Jimmy Kimmel Live-ah he chanchinthar hi puangin, “He show hi ka ngaina tak zet, mahse, khawvel dang han dai leh a, rimawi thar tihchhuah leh te pawh kan duh mahna,” a ti.
Katy Perry hi 2018 atang khan American Idol judge niin, Lionel Richie leh Luke Bryan te nen an thuho thin.
Perry chuan, “Tun hi ka tan chuan show tawpna a ni tawhin ka ring, Idol-a ka season hnuhnung ber a ni ang. Idol hi ak ngaina a, America thinlung nena min thlunzawmtu a ni a, mahse, kal chhuaha mahni duhzawng han tihve te pawh a hun tawhin ka hria,” a ti bawk.
Katy Perry hi hmeichhe zaithiam zinga Billnboard Hot 100 (singles) chart top 10-a album pakhat atanga hla panga tum khata nei thei awm chhun a la ni a, mipa lamah pawh hetiang tithei hi Michael Jackson chiah a la awm. Perry hian 2010-a a album Teenage Dream a a hla ‘California Gurls,’ ‘Teenage Dream,’ ‘Firework,’ ‘E.T.’ leh ‘Last Friday Night (T.G.I.F.) te chu a tum khatah Hot 100 chart top 10-ah a lanpui vek thei a ni.
Katy Perry-i’n American Idol chhuahsan dawn
