Hmanni lawkah nau a nei a, an chhungkaw hlim vanglai a la ni ang, tunah chuan lawmna tur dang a nei leh ta a, Alliance for Women in Media Foundation (AWMF) chuan rimawi hmanga vantlang tana a tha zawng a athawh hlawk an tih avangin Gracies Impact Award an hlan ve leh ta.
Award hlannaah hian Katy Perry hian a album thar Smile atanga a single ‘What Makes a Woman’ a perform nghal a, a award dawn lawmthu sawi pahin hmeichhe dinhmun chawisan leh tihchak lam hawi thu tawi a sawi gnhal bawk.
Katy Perry chuan, “Hmeichhia te hi an chakin an thiam a, hna chi hrang hrang thawk thei tura thuam an ni,” a ti.
Katy Perry hian August ni 27 khan a fa hmasa ber Daidy Dove Bloom an neih thu a puang a, chu chu a album thar ‘Smile’ a tlangzarh hma ni khat chiah a ni a, he album hi tunkar Billboard 200 (albums) chart No.5-ah a debut nghe nghe a ni.
Gracies Award hi radio, television leh media hrang hrang a hmeichhia te dinhmun chawisan kawnga thawk tha te hnenah hlan thin a ni a, kumin hi an award an sem vawi 45-na a ni.
(THE AIZAWL POST – Thalaite Huang)
Full>> ePaper Subscribe
