Joint Electricity Regulatory Commission for Manipur leh Mizoram chuan ramchhunga kawlphetha tharchhuahin hma a sawn theihna atan ‘Green Energy Open Charges Regulation 2024’ a siam.
Sawrkar laipui hmalakna hnuaia he regulation thar hmanah hian, consumer-ten awlsam zawka kawlphetha an lei theihna’na duan a ni a, ni zung chakna chu uar zawka hman tum niin, tangkai taka mipuiin an hman theih nan hemi kawnga hmasawnna atana duan a ni.
JERC for Manipur and Mizoram hotute sawi danin, boruak chhia pechhuak loa boruak thianghlim tak zawk pekchhuah a nih theih nan sawrkar laipui duan a ni a. Ni zung chakna hmang kawlphetha tharchhuah tipung a, ramchhunga kawlphetha intodelh taka awm tir an tum tih sawiin, kum 2030-ah India chu eng chhit tur intodelh tir an tum a; tihnun thar leh hman nawn theih (renewable) lam hawia hmalakna lian zawk a awm theih nan Green Energy Open Charges Regulation thar an siam tih an sawi a ni.
Tun dinhmunah megawatt 20 pe chhuak thei Vankal Solar Plant bakah North Vanlaiphaiah Mw 20 pe chhuak thei tho solar plant buaipui mek a ni tih JERC hotute hian an sawi a. Power purchase agreement chu Mizoram sawrkarin a thehlut tha leh dawn a, hma lak mek a ni tih an sawi.
Kawlphetha tharchhuaha hma sawn theihna tur duang thar
