Daily Newspaper

Kawng chhe laia tang mek truck khalhtute test dawn

41

Kolasib district huamchhung national highway chhia siamthat mek vanga lirthei lian tangkhangte khalhtu leh an handyman-te Covid an kai leh kai loh endik an ni dawn a, hemi chhung – August 6 zan dar 6 atangin an awmna hmun – Hmawngkhawthlir atanga RTP Farm Sethawn chu tumah kaltlang phal a nih loh bakah helai huamchhunga cheng/awmte chu an in emaw lirthei emaw chhuahsan khap a ni dawn.

NH-306 kawng siam mekah lirthei tangkhang tam tak an awm a, state pawn hmun hrang hrang atanga lutkhawm an nih avangin Kolasib district magistrate chuan thupek tichhuakin, heng lirthei khalhtute leh handyman-te Rapid Antigen Test hmangin test neih tura ruahman a ni a. Medical test chak zawka kalpui a nih theih nan leh mipui him zawk nan “The Mizoram Epidemic Diseases (COVID-19) Regulation 2020” Clause 11(1) leh “Disaster Management Act 2005” in thuneihna a pek angin, Hmawngkhawthlir atanga RTP Farm, Sethawn inkar chu containment zone-ah puan a ni a. Hei hian Thingdawl khawchhung zawng zawng pawh a huam a ni.

He thupek ang chuan, containment zone chhungah mihring leh lirthei eng chi mah luh leh chhuah phal a ni loa; containment area chhunga awm mipui vantlang tumah pawn chhuah phal a ni lo. Containment area-a lirthei tangkhang khalhtu leh handyman tumah an lirthei atangin an chhuak tur a ni lo bawk a ni.

Thupek hi 2020 August 6 zan dar 6.00 atanga thu leh awm hma chu hman tur a ni a; dan leh thupek kengkawhtu, medical duty, ambulance, Fire Service leh district magistrate-in phalna bik a pekte erawh a huam loang. Thupek zawm lo chu an chungah dan anga action lak a nih tur thu a sawi a ni.

The Aizawk Post

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy