Mamita lirthei lian neitute chuan an district kawngpui chhe lutuk siamthat thuai phutin August 21 atang hian thiamchin awm loa total bandh neih an tum.
Mamit Truck Owner Association thuchhuak chuan an district huamchhunga kawng leh lei chhia avangin harsatna nasa tak an tawk rei tawh tih an sawi a. National Highway 44’A’ Darlak to Tuidam kawng chhia siamthat thuai, Darlak leh Bawngva inkar Terei lei (Bailey bridge) chu lirthei lian full load la zawh theiha siam, Darlak leh Bawngva inkar Terei luia RCC bridge dawh hna chak zawka thawh, Mamit to Bairabi road siamthat, national highway Tuidam existing road km.105 to 111 (Tuidam kawng hlui km.6 hi kumin June leh July khan siam a ni tawh) a lirthei lian kal phalsak leh tawh, tih te chu an phut a ni.
An thil phut hi a rang thei ang bera tihhlawhtlin a nih theihna’n Mamit khawpui chhungah total bandh huaihawt an tum tih an sawi a ni.
Kawng chhia siam phutin Total bandh neih tum
