Daily Newspaper

Kawng enkawl tur NHIDCL-in kawng chhia siam tum lo

14

Mizorama National Highway 54 enkawl tura tih NHIDCL-in a huamchhunga kawng chhia chu siam a tum loh avangin Mizoram PWD-in a siam ngai dawn nia sawi a ni.

Thudawn danin, National Highways and Infrastructure Development Corporation Limited (NHIDCL) chuan NH-54 Buichali leh Lailapur inkar kawng chu Mizoram PWD kut atangin a la tawh a, tunhnaia kawng thuamthat tur tender a chhuah zingah Thingdawl leh Bilkhawthlir inkar kawng a tel loa, helai kawng chhia hi a thuamthat hna an thawh a ngai dawn tih PWD hotute chuan an sawi.

NH-54 thuamthat tur zinga tel lo – Kolasib Leitan leh Rengtekawn inkar kawngah lirthei tlan vel tan tlan hrehawm khawpa khuar chhia a awm tawh avangin, Mizoram PWD hnuaia contractor, Leitan leh Bilkhawthlir inkar kawng siam tura thlan Satguru chu kawng khuar chhelai thuamthat hna thawk turin MPWD hian an ti a. Hetihlai hian NHIDCL lamin kawng thuamthat hna hi an kuta hlan tura MPWD chu an tih tak avang leh National Highways Authority of India (NHAI) in NH54 thuamthat hna chu NHIDCL kuta hlan tura MPWD-in a rawn tih bawk avangin MPWD Highway Divivion-5 Thingdawl chuan NH-54 a enkawl lai hi NHIDCL kutah a hlanfel tawh a ni.

Hetihlai hian MPWD-in an kuta NH54 a hlanna lehkhaah NHIDCL hian hming an la ziah hnan lo niin thu dawn a ni a. Kawng thuamthatna tur sum erawh MPWD kutah NHAI-in rawn pe tawh loin NHIDCL kutah a pe vek tawh thung a ni. Tender an chhuah chin bak NHIDCL-in kawng an siam theih rih dawn loh avang leh, Leitan (Kolasib) leh Rengtekawn inkar kawng hi bungraw phur lirthei tlan vel tan tluk hlauhawm khawp khuar awm a tam tawh avangin a thawmthat hna hi an thawh rih mai a ngai dawn niin PWD hotute chuan an sawi.

Hemi ang hian helai kawng siam tura highway tender chhangtu Satguru chu kawng thawmthat hna thawk turin state PWD hian a ti a. An ni hian hnathawktu tur (labour) Assam atanga an lakluh a ngaih dawn avangin kawng siam hun tur hi ala hriat theih mai loh niin thu dawn a ni.

Hei bakah hian MPWD chuan helai kawng thuamthatna tur hi a hranpa in sum a neilo nia sawi a ni bawk.

Read More>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy