Daily Newspaper

Kawng siam dan tha lo enfiah turin sawrkar phut

30

Hrangturzo bial chhunga kawngpui siamthat hna thawh mek chu a tha tawk lo nia hmu in sawrkar thuneituten enfiah turin an phut tih Serchhip ZPM Thalai chuan an sawi.

Serchhip ZPM Block Thalai thuchhuak chuan, Hrangturzo bial chhunga inkalpawhna kawngpui laih zauh leh black-topping hna thawh mekah hna that loh thu sawi a awm avangin a hmunah an enfiah tih a sawi a. Mualcheng Artahkawn – N.Vanlaiphai leh, Chekawn – N.Vanlaiphai kawng laih zauh mek chu an hnathawh tawh chinte, plan & estimation nen a inmil em, tih te thlithlaiin a hmunah thawktute thil nihphung an zawtfiah tih a sawi a ni.

Mualcheng Artahkawn – N. Vanlaiphai inkar kawng laih zauh leh black-topping hna thawh mek chu a hna a chhiain a lungawi thlak loh an tih thu te, sawrkarin he hna thawh hi enfiah a, a tul anga hma la tura an phut thute a sawi.

‘He kawng laih mek hi Ministry of Rural Development hnuaia PMGSY hna niin, Bhavya Construction company thawh a ni. A kawng laih zauh chu zawh tep ni tawh mah se, blacktopping a chhe hle a, fur khat pawh a tawrh hmain hmun tam takah a chhe tawh a, hmun thenkhatah phei chuan kutlawng pawhin kheuh khawh mai theih a ni,’ a ti.

Hnathawktute chuan ruahtui tlak loh hnu ah black topping chhe laite chu an siamthat leh dawn thu an lo sawi rualin, hei hi thuneituten en zui ngei se an duh thu Serchhip ZPM |halai chuan an sawi.

Hrangturzo biala hnathawh mek tho, Chekawn – N.Vanlaiphai inkar kawng laih zauh hna (km.21 a thui, cheng nuai 1386 senna tur), LZ Constructions (Aizawl) in an thawh mek dinhmun pawh an en nghal tih sawiin, hna a kalmuang nia sawi awmte chu a chhan an zawtfiah a, an lo chhanna te chhuanlam tling niin lang mah se, muangchang loa a hma thei anga inpeihfel tura an duh thu an sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy