Daily Newspaper

Kawng siam meka kal theih hun siam

8

National Highway 306 chu tunlai hian NHIDCL-in siamthat hna a thawk mek a. Hnathawktuten tluang tak leh ngawrh taka an thawh theih nan Changsil leh Mualkhang inkara lirthei tlan dan khuahkhirhna siam a ni tih Aizawl SP C Lalruaia chuan mipui a hriattir.

Changsil to Mualkhang hi zing dar 1.00 atanga zing dar 6.00 thleng leh, Mualkhang to Changsil chu zan dar 6.00 atanga zing dar 1.00 thleng lirthei tlan theih tura hawn a ni ang tih SP hian a sawi.

Kawng siam avanga lirthei tangkhang khalhtute chuan kawng dalin an lirthei an hung tur a nilo, tiin, ‘Kawngpui chu englai pawha lirthei tlantlang theih turin an dah tur a ni. Kawng siamtute leh dan leh thupek kengkawhtute chetvelna an tibuai tur a ni lo,’ a ti.
He thupek bawhchhia chu Section 177 Motor Vehicle Act hmanga hrem theih a ni, tiin, thupek hian police, magistrate, Fire & Emergency Services leh ambulance te chetvelna a huam lo a ni.

Thupek vanga harsatna tawk emaw report tur nei chuan OC Sairang Police Station phone no. 8974115687/ 7005617957 ah te biak theih a ni a. Thupek hi September 1-15 thleng hman tur a ni.

Aizawl SP hian thupek dang pawh tichhuakin NH 306 siamthat hna thawh mek avanga Mizoram chhunga oil leh LPG lakluhna kawngah harsatna tawh loh nan oil tanker leh LPG phur lirtheite chu Mizoram sawrkar hriattirna ding sa leh Section 115 MV Act 1988-in thuneihna a pek angin, Kawnpui to Aizawl (via Sihphir) kawngah tlan phalna thupek pek an ni tih mipui a hriattir.

HMV-te zingah oil tanker ruakte chauh Aizawl to Kawnpui (via Sihphir) kawngpuiah hian Kawnpui lam panin tlan phalsak an ni, tiin, thupek bawhchhia chu Section 177 MV Act hmanga hrem theih a ni a; thupek hian police, magistrate, Fire & Emergency Services leh ambulance te chetvelna a huam lo tih a sawi.

He thupek avanga harsatna tawk emaw report tur neite chuan OC Bawngkawn PS phone no. 9366899818/ 943614158 ah te biak theih a ni. Thupek hi September 1-15 thleng hman tura tih a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy