MNF thalai chuan tunhnaia Lawngtlai bawrhsap pisa hnuaia casual driver lak danah thil dik tawk lo a awm tih an sawi.
MNF thalai District Hqrs. Lawngtlai hruaituten Lawngtlaia thuthar thehdarhtute an hrilh danin, Lawngtlai bawrhsap pisa hnuaia DM&R Branch-a Emergency Response Vehicle khalhtu tur laknaah he hna dil lo, interview pawh hmachhawn lo, Lawngtlai Chandmary Veng ami lak a ni a. Driver lak tur hi chanchinbu lamah advertisement tihchhuah a ni loa, office notice board-ah chauh tar a ni tih an sawi.
He hna diltu mi panga zingah kumin July 2 khan mi pali-in interview an hmachhawn a, hemi ni vek hian he hna diltu zinga tel lo, interview pawh hmachhawn lo chu lak a ni tih sawiin, driver atan an lak hian July 3-ah a hna a zawm tih an sawi.
Hemi chungchang hi RtI dan hmanga an zawh hnu ah, driver an lak tak hi thlakin, he hna diltu zing ami thingkah ami chu lak a ni zui ti a ni tih an sawi bawk.
Hetianga felhlel taka hnalak hi hriatthiam theih a nilo tih MNF thalai Lawngtlai hian an sawi a. ZPM sawrkar chu midang aia thabik leh felbik tura an intiamna chu hlenchhuak ngam se an duh tih an sawi a ni.
Kawng siam ran duhinlirthei chawl dawn
